ఏం జరగబోతోంది?

ఏమో నాకెలా తెలుస్తుంది :)

మరేం తెలుసు?

అదే అమెరికాలో డెమొక్రాట్స్ గెలిచారని, ఇండియాలో  కొంతమందికి ఓటు హక్కులు పోయాయని, మొన్న మొన్ననే ఆంధ్రాలో రెండు తుఫానులు వచ్చాయని, ఇలా ఎదో పేపర్లో వచ్ఛే సంగతులు. 

సంగతులా, వార్తలు కాదా?

ఇవి అలాంటివే కాకపోతే రోజు రోజుకీ వాటి విస్తరణ / రాగం మారుతుంటుంది.

ఇంకేం తెలుసు?

ఏదో ఇంకో తుఫాను రాబోతోందిట, ఇంకో రెండు సంవత్సరాల్లో అమెరికా అధ్యక్షుడి ఎన్నికలు, ఆతర్వాత ఇంకో ఆరు నెలలకు ఇండియా పార్లమెంట్ ఎన్నికలు, ఇలా నిర్ణీత సమయం ప్రకారం జరిగేవి జరగొచ్చు, అప్పటి దేశ కాల మాన పరిస్థితులననుసరించి.

అంతేనా?

అంతేనా అంటే ఇంకా చాలా ఉన్నాయి, అమెరికా అధ్యక్ష పదవికి డెమొక్రాట్లు గెలుస్తారా, ఇండియాలో ఇండియా గెలుస్తుందా, AI తో ఉద్యోగాలు ఉంటాయా ఊడతాయా? ఇలా చాల ఉన్నాయి కానీ చెప్తే కష్టమప్పా, తప్పితే ఇమేజీ కే డామేజీ.

పోనీ మిడ్టర్మ్ లో రిపబ్లికన్స్ ఎందుకు ఓడిపోయారో చెప్పగలవా?

ఇలాంటివి శానా సింపులప్పా, AI ని అడిగితే కర్ణుడి చావుకి సవాలక్ష కారణాలన్నట్టు, ఓ బొచ్చెడు కారణాలు చెప్పుద్ది. ఎంతైనా hindsight is 20/20 అని ఊరకనే అన్నారా.

ఆమాత్రం నాకూ తెలుసు, నీకింకేమైనా తెలుసేమోనని ...

నాకైతే తెలీదు కానీ ఎవరైనా జ్యోతిష్యులనిడిగితే ...? 

 

~ సూర్యుడు :-) 

Ransom

దీన్ని తెలుగులో ఏమంటారో తెలీదు. గూగుల్ లో వెతికితే కనిపించింది నచ్చలేదు. నష్టపరిహారమని కనిపించింది. Ransom నష్టపరిహారమెలా అవుతుంది?

 Daniel Silva ఇంకొక గాబ్రియేల్ అలాన్ నవల. ఇదేదో ఆవూ చెట్టు కథలాంటిది. మొత్తం కథంతా డిటెక్టివ్ కథలాంటిది. చివర్లో దాన్ని తీసుకెళ్ళి ఒక రష్యన్ స్పై ఏజెన్సీకి లింకు పెట్టి దీన్ని ఒక స్పై నవల అనుకోవాలి :)

 ఏమైనా ఈ నవలకు కూడా చదివించే లక్షణముంది.

 

ఎలా అయితే  ప్రోగ్రామర్లుకు ప్రోగ్రామ్స్ వ్రాసే అవసరం తగ్గిపోతోందో, ఈ స్పైస్ కూడా ఫీల్డ్ వర్క్ తగ్గిపోతున్నట్టుంది. అంతా టెక్కింటే ;)

 

David McCloskey ది పెర్షియన్ నవల కొన్నాను. చదవాలి ఎలాఉంటుందో.

 Josy Joseph ది బర్త్ అఫ్ ఆ నేషన్, Gillian Flyn Gone Girl , Thomas Harris The  Silence of the Lambs, Vijay Ghokale China's Wars ఇంకా ఏవో కొన్ని పుస్తకాలు కొన్నాను. చదవడానికి అసలు సమయం దొరకడం లేదని తెలిసి కూడా ఇవన్నీ కొనుక్కొచ్చాను. చూడాలి ఎప్పటికి కుదురుతుందో.

కాగ్ - ఎప్పుడో విన్నట్టుంది. ఈ డిపార్ట్మెంట్ ఇంకా ఉందా, చెత్త కాగితంలా చింపి పడేశారా  ;)

 ~సూర్యుడు :-) 

ఒక రాజకీయ ఆలోచన

ఒక రాజకీయ పక్షం (అదే పొలిటికల్ పార్టీ) స్థాపిద్దామనుకుంటున్నాను. ఒక వినూత్నమైన పద్దతిలో. అంటే ఈ రాజకీయ పక్షానికి కార్యకర్తలు వగైరా ఎవరూ ఉండరు. ఒక కార్యవర్గమో, సలహా మండలో అలాంటిదేదో ఒకటుంటుంది. అది ఒక ప్రణాళికో, హామీపత్రమో విడుదల చేస్తుంది. ఈ రాజకీయ పక్షానికి ఎటువంటి సిద్ధాంతాలు రాద్ధాంతాలు ఉండవు, ఒకటే సిద్ధాంతం, ఎలాగైనా సరే అధికారంలో ఉండాలి.

అయితే మన వ్యూహం ఏమిటి? ఇదే ప్రత్యేకం. ఎన్నికల్లో పోటీ చెయ్యం. బాగా డబ్బులున్న పారిశ్రామికవేత్తలతో ఒప్పందాలు చేసుకుని లేదా ప్రజల వద్దనుండి పెట్టుబడి రూపంలో తీసుకుని ఆ ధనంతో గెలిచిన అభ్యర్థులను అంటే మన సిద్ధాంతానికి అనుగుణంగా ఉండేవాళ్ళను చేర్చుకుని అధికారానికి కావలసినంత మంది చేరిన తరువాత ప్రభుత్వాన్ని ఏర్పాటు చెయ్యడానికి సిద్ధమని తెలియపరుస్తాం.

ఒక సారి అధికారం వచ్చాక ఎవరిని మంత్రులను చెయ్యాలో కొద్దిగా ఆలోచించాలి. ఒకవేళ పారిశ్రామికవేత్తల మద్దతుతో ధనాన్ని కూడగడితే ఆయా పారిశ్రామికవేత్తల సలహాతో ఆయా మత్రులకు ఆయా శాఖలు కేటాయించడం జరుగుతుంది. లేదా ప్రజల పెట్టుబడితో ధనాన్ని పోగుచేస్తే, ఎవరు ఎక్కువ ధన సంపాదన చేయగలరో చూసి వాళ్ళని మంత్రిత్వ శాఖలకు కేటాయించడం జరుగుతుంది. ఎందుకంటే, పెట్టుబడి పెట్టిన ప్రజలకు మనం లాభాల రూపంలో చూపించి లాభాల్లో కొంత వాటా వాళ్ళకి పంచాలి కదా.

ఒకసారి అధికారంలోకి వచ్చాక మళ్ళీ అధికారాన్ని కోల్పోయే సమస్యే లేదు. ఎందుకంటే ఎవరు ఎక్కడ ఎలా గెలిచినా మనం వాళ్ళని మన పక్షంలో చేర్చుకుంటాం కదా. మళ్ళీ మన పక్షానికే అధికారం :) 

 ఎలా ఉంది ఈ ఆలోచన :-)

 ~సూర్యుడు 🙏 

అంతరం / తేడా

  మీకు వాట్సాప్ లో బోలెడు ఫార్వర్డ్ లు వస్త్తుంట్టాయి కదా. వాటిల్లో కొన్నింటిని చూడంగానే ఇది భలే ఉందే అని మిగిలిని గ్రూపులకు ఫార్వర్డ్ చేసెయ్యాలనిపిస్తుంది కదా, తప్పదు మరి, అంత బాగా నచ్చాక వూరుకుంటామా? ఎందుకు ఇలా కొన్ని మెసేజెస్ మనకి నచ్చిపోతుంటాయి? ఎందుకంటే ఆ విషయం మనకి ముందే తెలుసుంటుంది. కాకపోతే దాన్ని ఇంకొద్దిగా ప్రెజెంటబుల్ గా చేసి పంపించుంటారు. ఎప్పుడైనా మనకి తెలిసింది చెపితేనే వెంటనే నచ్చుతుంది. ఏదో థియరీ అఫ్ రెలెటివిటీ నో ఏ ఎల్ఎల్ఎం అల్గోరిథం నో పంపిస్తే ఎల్లెల్లవో అంటారు కదా.

 అయితే ఇలా మనకి నచ్చినవి తెలిసినవి చదవడానికి వినడానికి బాగున్నా ఆచరించడం అంత సులువుకాదు. రోజుకో 10K అడుగులు వెయ్యండి, ప్రతిరోజూ కొద్దిపాటి వ్యాయామం చెయ్యండి బరువు తగ్గుతారు, గుండె ఆరోగ్యం బాగుంటుంది లాంటివి. అంటే తెలియడం వేరు ఆచరించడం వేరు. తెలిసినవన్నీ ఆచరించక్కర్లేదు, మంచివి ఆచరిస్తే మంచి ఫలితాలు.

 మరెందుకు తెలిసిన మంచి విషయాలు ఆచరించలేకపోతున్నాము? ఎందుకంటే ధృఢసంకల్పం లేకపోవడము, క్రమశిక్షణ లేకపోవడము చివరాఖరుగా వళ్ళు బద్దకము కలిసి తెలిసిన మంచి విషయాలు ఆచరించలేకపోవడము తద్వారా వాటి ఫలితాలు అందుకోలేకపోవడము జరుగుతుందేమో. ఈ తెలియడానికి ఆచరిండానికి మధ్య ఉన్న తేడా అసలు సమస్యంతా. దీని మీద The Knowing-Doing Gap అని HBR వాడు ఓ పుస్తకమే వ్రాసాడు. అయినా ప్రతిదానికీ ఓ సమయం ఉంటుంది. నేను 10th క్లాసులోనో Intermediate లోనో ఇంకొంచం బాగా చదువుకునుంటే ఇంకా బాగుండేదేమో అని ఇప్పుడనుకుని ప్రయోజనం లేదు కదా, అది అప్పుడనిపించుంటే, ఆచరించుంటే పనికొచ్చేదేమో. అంటే doing the right things at the right time is the key to success?

 ఇలాగే ఇంకా చాలా తేడాలు కనిపిస్తుంటాయి. ఉదాహరణకి, చదవడానికి అర్ధం చేసుకోవడానికి మధ్య తేడా. అంటే ఏదైనా ఓ విషయం గురించి కొంత మంది చదివితే అది అందరకీ ఒకలాగే అర్ధమవ్వాలని లేదు కదా, ఒక్కొక్కరికి ఒక్కోలా అర్ధమవ్వొచ్చు. ఇది ఇంటెర్ప్రెటేషన్ లో తేడాలు. బోళ్ళన్ని కావ్యాలు, పురాణాలూ, నానుడులు, జాతీయాలు చదివుండొచ్చు కానీ ఈ చదవడానికి అర్ధంచేసుకోడానికి ఉన్న అంతరం వల్ల ఆ తర్వాత తెలియడానికి ఆచరించడానికి ఉన్న ఇంకో అంతరం వల్ల ఏమి చెప్పినా ఏదో తేడా :) అదీ సంగతి. అందుకే పెద్దలు చెప్పిన మాట, "एकम सत, विप्रा बहुधा वदन्ति" 🙏

  

~సూర్యుడు :-) 

A tribute to Asha Bhosle

 

In Akhon Ki Masti Ke 

 

 Abhi Na Jao

 

~సూర్యుడు 🙏

పగలు - జీవితము

  సూర్యోదయాన్నుండి సూర్యాస్తమయం దాకా చూస్తే, సూర్యుడు మొదట్లో పరిగెడుతున్నట్టుగా అనిపించి ఆ తర్వాత నెమ్మదిగా కదుల్తున్నట్టుగా అనిపించి ఆ ఆరువాత సాయంకాలమవుతున్నప్పట్నుంచి మళ్ళీ పరుగెడుతున్ననిపిస్తాడు. అంటే సూర్యోదయం నుండి తొందరగా ఎదిగి ఆ తరువాత నెమ్మదిగా కదులుతూ మళ్ళీ సూర్యాస్తమయానికి పరుగెత్తి అస్తమిస్తాడు. ఇది నా ఊహ.

ఇదే లెక్కల్లో చూస్తే:

ఒక అర్ధ వృత్తాకారం (భూమి వృత్తాకారంగా లేదనుకోండి) తీసుకుని, pi * r  = 12 గంటలు అనుకుంటే, ఉదయం 6 గంటల నుండి 9 గంటల వరకు పరుగెత్తి మళ్ళీ సాయంకాలం 3 గంటల నుండి 6 గంటల వరకు పరుగెత్తి, మధ్యలో ఓ 6 గంటలు నెమ్మదిగా కదిలాడనుకోండి . 12 గంటలు పగలు ఆదర్శవంతమైన పగలు (భూమధ్యరేఖ దగ్గర అనుకోండి). 

pi  * r  = 12 => r  = 3.82

6 గంటల నుండి 9 గంటలు కేంద్రం వద్ద ఎంత కోణం చేస్తుందంటే, సుమారుగా 45 డిగ్రీలు. అలాగే 3 గంటల నుండి 6 గంటలు కూడా 45 డిగ్రీలు కోణాన్ని చేస్తుంది.

అంటే పగలులో మొదటి 45 డిగ్రీలు పాటు తొందరగా ఎదిగి ఆ తర్వాత 90 డిగ్రీలు అంటే 6 గంటలు నెమ్మదిగా కదులుతున్నట్టనిపించి మళ్ళీ చివరి మూడు గంటలు 45 డిగ్రీలు పరుగెత్తి అస్తమిస్తాడు.

మనం దీన్ని మన జీవితంతో పోలిస్తే, pi  * r  = 100 (పూర్తి జీవితం) సంవత్సరాలు అనుకుంటే, 45 డిగ్రీలు అంటే సుమారుగా 25 సంవత్సరాలు. మళ్ళీ చివరి 45 డిగ్రీలు 25 సంవత్సరాలు. అంటే, మొదటి 25 సంవత్సరాలు తొందరగా ఎదిగినట్టనిపించి తరువాత 50 సంవత్సరాలు నెమ్మదిగా గడిచినట్టనిపించి, చివరి 25 సంవత్సరాలు పరుగెడుతున్నట్టుగా తొందరగా గడిచిపోతాయేమో.

సగటు జీవితకాలం 80 అనుకుంటే, మొదటి 20 సంవత్సరాలు తొందరగా ఆ తరువాత 40 సంవత్సరాలు నెమ్మదిగా గడిచి, చివరి 20 సంవత్సరాలు తెలుస్తుంటుంది.

ఎదుగుదల గురించి అందరికీ తెలిసిందే. మరీ చిన్నగా ఉన్నప్పుడు రోజు రోజుకీ మార్పు కనిపిస్తుంది ఆ తరువాత వారాలకు ఆ తరువాత నెలలు సంవత్సరాలకు. కానీ ఒక వయస్సు వచ్చాక మార్పు పెద్దగా తెలియదు కొన్నాళ్ళు. మళ్ళీ వృద్ధాప్యంలో మొదట్లో సంవత్సరాలకు ఆ తరువాత నెలలకు, రోజులకు మార్పు తెలుస్తుంటుంది.  అదే జీవితంలో సాయంకాలం.

మీకేమనిపిస్తోంది?

~సూర్యుడు 🙏

ఎదో సరదాగా ...

 ఇది చూసి నవ్వుకోండి 😂

 

 

~సూర్యుడు ;)