Courtesy: త్యాగరాజ పంచరత్నాలు
ప్రశ్న ఏంటంటే, త్యాగరాజులవారు అన్ని కృతులు వ్రాసినా వీటినే ఎందుకు పంచరత్నాలన్నారు?
మీకేమైనా తెలుసా?
~సూర్యుడు :-)
సాధారణంగా రెండు రకాలు, ప్రీపెయిడ్ లేదా పోస్ట్ పెయిడ్. నాకెందుకో ప్రీపెయిడ్ అంత నచ్చదు. ఈ మధ్య ఓ పోస్ట్ పెయిడ్ నంబర్ తీసుకున్నా. యాక్టివేట్ చేసిన కొన్ని గంటలకే ఎస్సెమ్మెస్సులు రావడం మొదలుపెట్టాయి. మొదటి ఎస్సెమ్మెస్ చదవంగానే నిద్రమత్తు మొత్తం దిగిపోయింది. ఎదో ఎటిఎం లో కార్డు ట్రాన్సాక్షన్ deny చెయ్యబడింది. అరే నా డెబిట్ కార్డు ఏదైనా పోయిందా లేక హ్యాక్ అయ్యిందా అని బుఱ్ఱ (అదే తల) తిరిగింది. నిద్ర మత్తు మొత్తం వదలంగానే అర్ధమయ్యిందేమిటంటే అది నా కార్డు కాదు వేరే వాళ్లదని.
కట్ చేస్తే, నా కొత్త నంబరు తాలూకా పాత ఓనరు, ఈ నంబర్ని బ్యాంకుల్లో రిజిస్టర్ చేసుకుని, డీలింక్ చెయ్యకుండా మొబైల్ నంబర్ని వదిలేసుకున్నాడు. దానితో ఆ నంబరు తీసుకున్న నాకు అతని మెస్సేజులు రావడం మొదలుపెట్టాయి. అతని కార్డు ట్రాన్సక్షన్స్ అన్నీ నాకు తెలుస్తున్నాయి, ఎన్ని సార్లు ట్రాన్సాక్షన్ deny చెయ్యబడింది, అలాగే ఎన్ని సార్లు ట్రాన్సాక్షన్ ఆనర్ అయి ఇంకా ఎంత బాలన్స్ ఉంది etc. ఇది అతనికి పెద్ద ప్రైవసీ లేదా సెక్యూరిటీ సమస్య కాకపోవచ్చు కానీ నాకు తలనొప్పిగా అనిపించింది. దీనికి తోడు ఇది నువ్వేనా అని అతని పాత సహచరుల ఫోన్లు.
ఈ గోల భరించలేక, కస్టమర్ కాల్ సెంటర్ కి ఫోన్ చేసి మీరేమైనా చెయ్యగలరా అంటే మా వల్ల కాదన్నారు. మీరే ఆ బ్యాంకులన్నిటికీ వెళ్ళి ఈ నంబర్ని పాత అకౌంట్ నుండి తప్పించమని అడగమన్నారు. నేనేమీ "అతడు" లో మహేష్ బాబు ని కాదుకదా ఓ గన్ తీసి బెదిరించడానికి. సరే వీళ్ళకి నా సమస్య అర్ధమైతేనే కానీ లాభం లేదని రోజుకోసారి ఫోన్ చేసి విసికిస్తే ఇంక లాభంలేదని మా ఆఫీస్ కి వెళ్లి మాట్లాడండన్నారు. అక్కడ కూడా మేమేమీ చేయలేమని చెప్పి, ఒకే ఉపాయమేంటంటే, ఈ నెంబర్ ఇచ్చేసి ఇంకొక కొత్త నెంబర్ తీసుకోవడం. సరే అని ఆ పాత నంబర్ని సమర్పించి కొత్త నెంబర్ తీసుకున్నాను.
నా గోలను ప్రక్కనపెడితే, ఈ సెల్ ఫోన్ల ఆపరేటర్లకు recycle అయ్యే నంబర్లను sanitize చేయడానికో విధానం/ప్రక్రియ లేదు. మొబైల్ నంబర్లే ఆధార్ నంబర్లకంటే ముఖ్యమైన ఈ రోజుల్లో, శానిటైజ్ చెయ్యకుండా మొబైల్ నంబర్లను వేరే వాళ్లకు ఇవ్వడం ఎంతవరకు సముచితం?
మొబైల్ నంబర్ పోర్టబిలిటీ వచ్చినతరువాత మొబైల్ నెంబర్ నే ఆధార్ నెంబర్ చేసేస్తే పోయేది.
మీరేమంటారు ?
~సూర్యుడు :-)
