Sunday, November 11, 2007

పరకాయ ప్రవేశము

అందరికి హృదయపూర్వక నమస్కారాలు :-)

ఏ మధ్య కొద్దిగ ఖాళీ గా ఉండి (నాలుగు రోజుల దీపావళి శలవలు కారణంగా)వల (అంటే నెట్) లో పడ్డ చేప పిల్లలాగ వలంతా కలియ తిరిగేస్తూ అనుకోకుండా తెలుగు బ్లాగుల్లో పడ్డాను. చదివిన తర్వాత (చేతులు) ఉండబట్టక తోచింది వ్రాసేసాను. కాకపొతె, ఇక్కొడొచ్చిన సమస్యల్లా, నాకు పేరు లేదు (మామూలుగా అయితే, నాది చాలా పెద్ద/పొడవైన పేరు, సాధారణంగా మన ప్రాంతంలోలా). పోనీలే ఏదో ఊరూ పేరూ లేని కుర్రాడు ఏదో రాస్తున్నడని అనుకోకుండా పెద్దలు బాగా చీవాట్లు పెట్టి పంపిచారు. ఈ సందర్భంలొ నాకొక విషయం గుర్తొచ్చింది. నా చిన్నప్పుడు రాజు-మాంత్రికుని కథలలో, పరకాయ ప్రవేశాలుండేవి, చాల థ్రిల్లింగ్ గా ఉండేవి అవి చదువుతుంటె.

ఈప్పుడా విషయం ఎందుకంటారా :-). ఇలా నాలా పేరు లేకుండా వచ్చి వ్యాఖలు చేసేవారు కూడ వకరకంగా పరకాయ ప్రవేశం చెయ్యొచ్చు, కావాలనుకొంటె. అగమ్యగోచరంగా అయిపోదు అనుకొంటె, ఇక్కడ వేరే విషయాలు ప్రస్తావిస్తాను. ఎన్నిరకాలుగా (నెట్ లో) పరకాయ ప్రవేశం చెయ్యొచ్చు అంటే:

1. పేరులేకుండా (అంటే, మనం ఆకాశ రామన్న/అనామక రూపం లొ మాట్లాడుతున్నమన్న మాట)
2. మారుపేరు (అంటే, కలం పేరో ఇంకేదో రూపం లో, అంటే సూర్యుడు అలా అన్నమాట :-) )
3. మగ వారు ఆడ వారు గ / అటునించిటు (కొద్దిగ, పరకాయ ప్రవేశమే)
4. వేరే వాళ్ళ కంప్యూటర్లలో దూరి వాళ్ళలాగ (ఇది నిజంగా పరకాయ ప్రవేశం)

ఇది చాల గమ్మత్తుగా ఉందికదా :-)

నిజం చెప్పలంటే ఈ విషయం గురించి చాలా వ్రాయొచ్చు కాని, నేను రేపు ప్రొద్దున్నే మా కార్యాలయానికి వెళ్ళాలికదా, ఇప్పటికి ఇంక శెలవా మరి, మళ్ళీ సమయం చిక్కితే, వేరే ఏదైనా వ్రాయటానికి ప్రయత్నిస్తాను.

మీ (వెలుగు రేఖల) భవదీయుడు,
సూర్యుడు :-)

సూర్యశక్తి

హమ్మయ్య, మొత్తానికి నాకు కూడ వొక బ్లాగ్ స్పేసు వచ్చేసింది. ఇప్పుడు ఏమిటి వ్రాయాలి, కొద్దిగ ఆలోచించల్సిదే. ఆలోచించడానికేమీలేదు, నా పేరు మీదే రాసేస్తే?

నాకెప్పటినుండో వొక కోరిక, సూర్యశక్తిని ఉపయోగించి ఇంటికి ఏఇర్ కండిషనింగ్ పెట్టించుకొంటే ఎలా ఉంటుందని. అంటే నా ఉద్దేశ్యం, మన డిసెడ్వాంటేజ్ నే ఎడ్వాంటేజ్ గ మార్చుకుంటే ఎలా ఉంటుందని. మన దేశం లో సూర్యశక్తి కి కొదవ లేదు, దాన్ని ఊరికే ఎందుకు వ్రుధా చెయ్యడమని. ఇప్పుడు అక్కడక్కడ సూర్యశక్తి తో వీధి దీపాలు వెలిగిస్తున్నా మనం ఇంకా చాల ఎక్కువగా దీన్ని (సూర్యశక్తిని) ఉపయొగించుకోవచ్చని నా ప్రగాఢాభిప్రాయం.

ఇంకా చాలా వ్రాయాలని ఉంది కాని, సమయాభావం వల్ల ఇక్కడితో ఆపేస్తాను. మళ్ళీ ఇంకోసారి ఈ విషయమ్మీద చర్చించుకుందాం. ఈ మద్యకాలంలో ఈ విషయంపై ఏమైనా అభిప్రాయాలుంటే పంచుకోవలసిందిగా మనవి


మీ భవదీయుడు,