విళంబి ఉగాది శుభాకాంక్షలు

మీకు, మీ కుటుంబ సభ్యులకు
శ్రీ విళంబి నామ సంవత్సర ఉగాది శుభాకాంక్షలు.

మీ అందరికి ఆయురారోగ్యఐశ్వర్య భోగ భాగ్యాలు కలగాలని కోరుకుంటూ


~(ఉగాది) సూర్యుడు :-)

వసంత శోభ

ఇంకొన్ని నవలలు

బాడీ అఫ్ లైస్ పూర్తైన తర్వాత "ద ఇంక్రిమెంట్" మొదలుపెట్టాను కానీ అది ముందుకు వెళ్ళడం   లేదు. ఈ మధ్య క్రొత్త పుస్తకాలకోసం వెతుకుతుంటే Alex Berenson అనే క్రొత్త రచయిత కనపడ్డాడు. Alex Berenson వ్రాసిన "ద ఫెయిత్ ఫుల్ స్పై" చదివాను. బాగానే వుంది. డానియల్ సిల్వా, డేవిడ్ ఇగ్నేషియస్ లతో పోలిస్తే వ్రాసే విధానం కొంచం భిన్నంగా వుండి బాగుంది. ఈ ముగ్గురిలో డానియల్ సిల్వా నాకు బాగా నచ్చాడు , ఆతర్వాత ఇద్దరు ఇంచుమించుగా ఒకే రకంగా అనిపించింది.

ఇప్పుడు "ద ఘోస్ట్ వార్", "ద ఇంక్రిమెంట్" చదవాలి. చూడాలి ఏది ముందు పూర్తవుతుందో. డానియల్ సిల్వా క్రొత్త నవల "ద అదర్ వుమన్" రాబోతోంది, చూడాలి అదెలా ఉంటుందో.

మీఎవరైనా Alex Berenson చదివితే, మీ అభిప్రాయమేంటి?

~సూర్యుడు :-)

బాడీ ఆఫ్ లైస్

మొత్తానికి బాడీ ఆఫ్ లైస్ నవల పూర్తిచేశాను. నవల బాగుంది. ఇప్పుడు ద ఇంక్రిమెంట్ మొదలుపెట్టాను, చూడాలి ఎలా ఉంటుందో. డానియల్ సిల్వా, డేవిడ్ ఇగ్నేషియస్ లు తూర్పు పడమరలు. ఒకరు ఇజ్రాయిల్ ను సప్పోర్ట్ చేస్తే ఇంకొకరు ఆరబ్బులని సప్పోర్ట్ చేస్తారు. రాసే విధానం డానియల్ సిల్వా ది  బాగుంటుంది, డేవిడ్ ఇగ్నేషియస్ ఇతివృత్తాలు, వ్యూహాలు కొద్దిగ సింపుల్ గా ఉంటాయి. మొత్తానికి ఇద్దరూ బాగానే వ్రాస్తారు.

ద ఇంక్రిమెంట్ చదవడం పూర్తయ్యాక ఎలా ఉందో వ్రాస్తా .

~సూర్యుడు :-)

Happy New Year 2018!!

Wish You A Very Happy New Year 2018!!

ద క్వాంటం స్పై - పురావలోకనము

ద క్వాంటం స్పై నవలలో ఒక పాత్ర ఇలా అంటుంది:

"Ludwig Wittgenstein. A philosopher of language. I wrote a paper about him in college. One of his precepts was that if you can't say something, then you can't whistle it, either."

"Nice, " said Flanagan. "What does it mean?"

"It means that a thought doesn't exist apart from the language that expresses it. If you follow me."

నేను ఈ Ludwig Wittgenstein గురించి ఇంతకు ముందెప్పుడు చదవలేదు వినలేదు కాని ఇలాంటి విషయం మీద ఇంతకుముందెప్పుడో తెలుగు బ్లాగుల్లో చర్చలు జరిగినట్టు గుర్తొచ్చి వెతికితే ఓ ఎనిమిది సంవత్సరాలక్రితం వ్రాసిన ఈ టపా (ఆలోచన్లకి భాషుంటుందా?)కనపడింది. నాకు ఈ భాషా పరిశోధనలు గురించి తెలియకపోయినా నేననుకున్నది, అదే, మనం ఏదోఒక భాషలోనే ఆలోచిస్తామనేది ఇంతకుముందే ఎవరో చెప్పేసారు, లేకపోతే అది నేనే కనిపెట్టేవాణ్ణి, ఛ మంచి అవకాశం తప్పిపోయింది  :-)

నా స్వోత్కర్ష ఇంతటితో ముగించి ఆంగ్ల నూతన సంవత్సరానికి స్వాగతం చెప్పటానికి వెళ్తాను :)

~సూర్యుడు :-)

ద క్వాంటం స్పై

ద క్వాంటం స్పై నవల చదవడం పూర్తయ్యింది. నవల బాగుంది. ఐప్పుడు బాడీ ఆఫ్ లైస్ మళ్ళీ మొదలుపెట్టాను . చూడాలి ఎప్పటికి పూర్తవుతుందో .

ఈమద్య అటుఇటు తిరుగుతుంటే ఏవో కొన్ని క్లిక్కులు క్లిక్కాను, చూడండి :)