మనతోనే ఉండే కంప్యూటర్ ఆపరేటింగ్ సిస్టం

అంటే ఇదేమీ కొత్తకాదుగానీ, మనమేదైనా కంప్యూటర్ వాడుకోవాలంటే ఒక సిస్టం అందులో ఆపరేటింగ్ సిస్టం కావలికదా. లినక్సు లాంటి ఆపరేటింగ్ సిస్టం ఇంతకుముందు డీవీడీ రైటర్ వాడి ఇన్స్టాల్ చేసేవారు . ఆతర్వాత USB స్టిక్స్ వాడి చేస్తున్నారు. అదే లైవ్ ఇమేజ్ ఐతే, ఇన్స్టాల్ చెయ్యకుండా బూట్ చేసి వాడుకున్నంతసేపు వాడుకుని తర్వాత సిస్టం నుంచి తీసేసుకోవచ్చు. ఈ  USB స్టిక్ ని ఎక్కడికి కావాలంటే అక్కడకు తీసుకెళ్లవచ్చు. మనక్కావలసిందల్లా ఒక సిస్టం, బూట్ చెయ్యడానికి (USB స్లాట్ ఉండాలనుకోండి). 

కానీ ఇక్కడో చిక్కుంది. సిస్టం లో అయితే ఆపరేటింగ్ సిస్టం ని అప్డేట్ చేస్తూ ఉండొచ్చు కానీ USB స్టిక్ లో ఇమేజ్ ని అప్డేట్ చెయ్యడానికి లేదు. బూట్ అయిన ఇమేజ్ ని అప్డేట్ చేసినా అది నడుస్తున్నంతవరకే పనికొస్తుంది కానీ మళ్ళీ బూట్ చెస్తే పాత ఇమేజ్ బూట్ అవుతుంది. ఏమైనా కొత్త సాఫ్ట్వేర్ ఇన్స్టాల్ చేసినా అది USB స్టిక్ ఇమేజ్ లో అప్డేట్ అవ్వదు. 

కానీ ఈ ఆపరేటింగ్ సిస్టం వాళ్ళు ఒక ఫీచర్ ఆడ్ చేస్తే, అంటే లైవ్ ఇమేజ్ ని USB  స్టిక్ నుండి బూట్ చేసి దాన్ని అప్డేట్ చేసినా, కొత్త సాఫ్ట్వేర్ ఇన్స్టాల్ చేసినా, షట్ డౌన్ చేసేటప్పుడు ఈ కొత్త ఇమేజ్ ని USB స్టిక్ లోకి వ్రాసేయమంటావా అని అడిగి, వ్రాసేయ్ అంటే USB స్టిక్ లో కొత్త ఇమేజ్ ని వ్రాసేస్తే, నెక్స్ట్ టైం ఆ USB స్టిక్ వాడి బూట్ చేస్తే , కొత్త ఇమేజ్, అంటే అప్డేటెడ్ సాఫ్ట్వేర్ కొత్తగా ఇన్స్టాల్ చేసుకున్న సాఫ్ట్వేర్ వస్తే ఇంకా బాగుంటుంది. బాగుంటుందనేకన్నా సౌకర్యంగా ఉంటుంది :)

 

~సూర్యుడు :-)

ప్రజాస్వామ్యము - ఓటు హక్కు వినియోగము

ఎన్నికలు వస్తున్నాయనగానే పత్రికల్లోనూ, ప్రచారసాధనాల్లోనూ అందరూ హోరెత్తించేమాట, ఓటుహక్కు ఉన్నవాళ్ళందరూ తప్పకుండా ఓటు వెయ్యాలని. అది ప్రజాస్వామ్యాన్ని బలోపేతం చేస్తుందని. ఎన్నికలు పూర్తయి ప్రభుత్వ ఏర్పాటు అవ్వకముందునుంచే అవతలి పక్ష ప్రజా (?) ప్రతినిధుల్ని ఎలా కొనేయాలని అన్ని రాజకియపక్షాలు ప్రయత్నిస్తుంటే, ధనానికో మరొకదానికో ఆశపడి ప్రజా ప్రతినిధులు వేరే పక్షానికి దూకేస్తుంటే అది ప్రజాస్వామ్యమని ఎలా అనిపించుకుంటుంది?

ప్రజలు ఒక పక్షానికిచెందిన అభ్యర్థిని గెలిపించినప్పుడు, వారి అభిప్రాయాన్ని కాదని ఆ అభ్యర్థి వేరే పక్షానికి దూకేస్తే అతనికి ఓట్లేసినవారి పరిస్థితేమిటి? వారి ఓటుకున్న విలువేంటి? ఆమాత్రందానికి అందరు ఓటు వెయ్యాలని చెప్పడం దేనికి? పార్టీ ఫిరాయింపుల నిరోధక చట్టం ఉన్నా దాని సంగతే ఎవరు మాట్లాడడం లేదు. ప్రజాస్వామ్యానికే అమ్మలాంటి ప్రజాస్వామ్యమంటే ఇదేనా?

ఇంతకుముందు ఇలా జరగలేదా అని ప్రశ్నించొచ్చు కానీ ఇంతకుముందు జరిగిన తప్పులే మళ్ళీ చేస్తుంటే ఇంక తేడా ఏముంది, పురోగతేముంది?

ఒక్క ఓటుతో గెలిచినా పూర్తికాలం అభ్యర్థిగా కొనసాగే హక్కెలాఉంటుందో ఒక్క సీటు మెజారిటీతో గెలిచినా ఆ పక్షానికి పూర్తి కాలం పరిపాలించే హక్కుండాలి.

మీరేమంటారు?

~సూర్యుడు :-)

Problem in commenting on a post in blogspot

Recently, I had a problem in commenting on a post in http://kasthephali.blogspot.com blog. On googling, I found the following link that might be useful to others facing the same problem -

https://support.google.com/blogger/thread/163549939/comments-on-blogger-with-the-sign-in-with-google-button?hl=en

Of course, when you follow the advice, you know what you are doing ;)

~సూర్యుడు :-)

నూతన సంవత్సరం - ఆశాజీవి

వాట్సాప్ లో ఎవరో ఓ meme పంపించారు - "నూతన సంవత్సరం అయిపోయిందా, ఏమైనా దొరికిందా, ఏమైనా మారిందా" అని. నిజమేకదా, సంవత్సరం సంఖ్య మారుతుంది కానీ డిసెంబర్ 31 నుండి జనవరి 1, ఇంకొక రోజు, మిగతా రోజులు మారినట్టే. సంవత్సరం మారితే ఏం మారుతుంది, మనం మారితే ఏదైనా మారుతుంది కానీ. 

కాని, జనవరి 1 అంటే అదొక ప్రత్యేకం.  అవును మనకి ఉగాదికూడా ప్రత్యేకమే. సంవత్సరం మారగానే మన జీవితాల్లో ఏదో మార్పు వస్తుందని ఏదో ఆశ. ఆశ అనేదే లేకపోతే జీవనం కష్టం కదా. 

కానీ జీవితంలో ఎదో మార్పు వస్తుందని డిసెంబర్ 31 వరకు ఎందుకు ఆగాలి? రేపే మన జీవితంలో మార్పు వస్తుందని  ఎందుకు అనుకోకూడదు? అలా రోజూ అనుకుంటే, అలాంటి మార్పుకోసం రోజూ ప్రయత్నిస్తే, జీవితం / రోజులు ఎందుకు మారవు?

~సూర్యుడు :-)

Happy New Year!

 Wish you all A Very Happy New Year 2024!

May God bless you with everything you need.

మసాగత్తు

 మసాగత్తు అంటే అర్థమేమిటి?

కథనం

ప్రతి కుటుంబానికి ఒక కథ ఉంటుంది. ఎవరో తాతో ముత్తాతో లేదా అవ్వో ముత్తవ్వో ఆస్తులని సంపాదించారనో లేదా పాడుచేశారనో. రోజులు బాగుంటే ప్రతి తరం ముందు తరం కంటె బాగుండొచ్చు . అంతమాత్రాన అంతకుముందు తరం చేతకానివారని కాదు కదా. ఎవరికి చేతనైంది వారు చేస్తారు . టాటాలకు ఇప్పుడిన్ని ఆస్తులున్నాయంటే అవన్నీ రతన్ టాటానే సంపాదించారని కాదుకదా, అంతకుముందు జెఆర్డీ టాటా అంతకన్నాముందు జెంషెడ్జీ టాటా ఎవరికి కుదిరింది వారు చేసుంటారు. Sir Isaac Newton quote, If I have been able to see farther than others, it was because I stood on the shoulders of giants. అనుకోగలగడం గొప్ప. చేసేవాడు చేయించేవాడు వేరే ఉన్నాడు అని నమ్మినప్పుడు అంతా మనమే చేశామనుకోవడం సరికాదేమో? 

ప్రతి కుటుంబం మా పూర్వీకులేమీ చెయ్యలేదు, చేసిందంతా మేమే అని చెప్పుకుంటే ఆత్తర్వాత్తరం కూడా అలాగే చెప్పుకుంటుంది, ఆ కుటుంబ చరిత్ర అంతమాత్రమే. ఏతరమైనా ఇంకొంచం ముందుకెళ్ళి మా పూర్వీకులు అంతా చెత్తచేసారు అని చెప్పుకొని తిరిగితే ఇంక చెప్పక్కర్లేదు కదా. ఆ కుటుంబానికి చరిత్రేలేదు.

ప్రతి దేశానికి ఒక చరిత్ర / కథనం ఉంటుంది. దాని గతమేంటి, అది ఒడిదొడుకుల్ని ఎలా తట్టుకొంది మొదలైనవి. ఆ దేశం ఆ కథనానికనుగుణంగా ముందుకెళ్తూ ఉంటుంది. ఉదాహరణకి అశోకుడి కాలాన్ని తీసుకుంటే, మనం చదువుకున్న కథలు, రహదార్లు వేయించెను, సత్రములు కట్టించెను, చెట్లు నాటించెను వగైరా, ఆతర్వాత రాజ్యాన్ని విస్తరించెను, చక్రవర్తి కదా. మరివన్నీ అశోకుడు ఒక్కడే చేసుండడు కదా, చాణక్యుడు లాంటి గురువుగారు, మంత్రులు, సేనాధిపతులు కలిసే చేసుంటారు. ఇప్పుడు ఇందులో అశోకుడి గొప్పేమి లేదు అతని సేనాధిపతుడొకడు మహావీరుడు, అతనివల్లే ఇదంతా అయ్యింది అని తిరగరాస్తే ఏమౌతుంది?

మన దేశానికి స్వాతంత్య్రం శాంతియుత పోరాటం వల్ల వచ్చింది అని చదువుకున్నాము. ఎక్కడైనా ఎవరైనా ఏదైనా సాధించడానికి సాయుధపోరాటం చేస్తే మనమేం చెప్తాము, ఆయుధపోరాటాలతో ఏదీ సాధించలేము, శాంతియుత పోరాటమే మార్గము అని కదా. అదే ఇప్పుడు మనకి స్వాతంత్య్రం సాయుధపోరాటంవల్లే వచ్చిందని కొత్త కథ చెప్తే సభ్యసమాజానికి ఏంసందేశమిస్తున్నట్లు? తుపాకులు పట్టుకుని ఏమైనా సాధించుకోవచ్చుననే కదా? అలాంటప్పుడు తుపాకులు పట్టుకునేవాళ్ళు ఏమవుతారు? స్వాతంత్య్ర సమరవీరులా? ఉగ్రవాదులా?

ఎవరిని వీరులు చెయ్యాలో ఎవరిని ప్రక్కనపెట్టాలో ఆలోచించుకుని చెయ్యాలి. ఎవరో మనకి నచ్చలేదని కాదు. 

 

 మీకర్ధమయ్యిందనుకుంటాను :)

 

~సూర్యుడు :-)