చమురు ధరలు

 భారతదేశం అంత చవుకగా రష్యా వద్ద ముడి చమురు కొంటున్నప్పడు మనదేశంలో పెట్రోలు, డీజల్ ధరలేమీ తగ్గలేదు, ఎందువల్ల?

అంతర్గత మోసం - An Inside Job

 మొత్తానికి డేనియల్ సిల్వా An Inside Job నవల పూర్తిచేశాను. నవల బాగుంది. ఇది స్పై నవల కాదు, డిటెక్టీవ్ నవల అనొచ్చేమో. గాబ్రియేల్ అలోన్ వియన్నా లో ఒక అమ్మాయి శవాన్ని చూడ్డంతో అసలు కథ మొదలవుతుంది. ఆ అమ్మాయి ఎవరు, ఎక్కడ పనిచేసేది, ఎంచేసేది మొదలైన వివరాలతో మొదలై, వాటికన్ ఆర్ట్ మ్యూజియం నుండి, ఇటాలియన్ మాఫియా బ్యాంకింగ్ ఇండస్ట్రీ, రియల్ ఎస్టేట్ కుమ్మక్కు వరకు వెళ్ళి, వాటికన్ ప్రతిష్టకు భంగం కలగకుండా దొంగిలింపబడిన లియోనార్డో డా విన్సి వేసిన చిత్రపటాన్ని ఎలా వెనక్కు తీసుకు వచ్చి వాటికన్ ఆర్ట్ మ్యూజియం కి అప్పగించి నేరస్తులకు శిక్ష పడేలా చేసాడో అన్నదే ఈ నవల. 

There is an interesting quote from Bible:

"Blessed are those who mourn,

for they will be comforted." (I think Kutni asked Krishna for sufferings, because only during sufferings we think of God and also God will be with those who are suffering (is it my imagination or remembered it correctly :)))

"Blessed are the meek,

for they will inherit the earth."

~సూర్యుడు :-)

చమత్కారిక

కొన్ని సంవత్సరాల క్రితం తల దువ్వుకున్నప్పుడల్లా తలవెంట్రుకలు రాలి కనిపించేవి. దాంతో జుట్టెందుకు పలచబడుతోందో అర్థమయ్యేది. 

ఇప్పుడు జుట్టు ఇంకా పలచబడుతోంది కానీ తలవెంట్రుకలు రాలడం కనిపించడం లేదు - చూపు మందగించింది ;)

 

With due credits to the known :) 

 

~సూర్యుడు :-) 

కోకిల పెట్టిన గుడ్డు

 ఈ మధ్య కోకిల పెట్టిన గుడ్డు (The Cuckoo's Egg) అనే నవల చదివాను. చాలా బాగుంది. ఈ కథ సుమారుగా 1986 ప్రాంతాలలో అమెరికాలో నిజంగా జరిగిన కథ. ఈ నవల సాంతము ఉత్కంఠంగా ఉంది చదివింపచేసేలా ఉంది. 2025 లోనే కంప్యూటర్ భద్రత గురించి పెద్దగా తెలియని పరిస్థితుల్లో 1986 లో ఎలా ఉండిఉంటుందో ఆలోచించుకోండి. సామాన్య ప్రజల సంగతి ప్రక్కన పెడితే దేశ రక్షణ రంగంలో పనిచేసే వారికికూడా కంప్యూటర్ భద్రత గుంరించి పెద్దగా అవగాహన లేకపోవడమేమీ విచిత్రం కాదేమో. 

క్లిఫ్ స్టోల్ అనే ఆస్ట్రానమీ పరిశోధనకారుడు వాళ్ళ కంప్యూటర్ ల్యాబ్ సిస్టమ్స్ ను మేనేజ్ చెయ్యడానికి వచ్చి కంప్యూటర్ వాడకంలో వచ్చిన ఒక 75c తేడాను కనిపెట్టడానికి చేసిన పరిశోధన ఒక అంతర్జాతీయ హ్యాకర్ ను ట్రాక్ చేసి ఎలా పట్టించాడో అనేదే ఈ నవల ఇతివృత్తం. ఇదే అంశాన్ని "Stalking the wily hacker" అనే పత్రంగా ACM (Association for Computing Machinery) పత్రిక ప్రచురించింది.

  The Alchemist underlying message, if you want to strongly achieve something, the whole universe will conspire to make you successful అనేది ఈ క్లిఫ్ స్టోల్ విషయంలో నిజమనిపిస్తుంది. మొదట్లో ఏదో అకౌంటింగ్ సమస్యలా మొదలై ఒక అంతర్జాతీయ కంప్యూటర్ హ్యాకర్ / గూఢచర్య వ్యవస్థను కనిపెట్టడానికి ఎన్ని సమస్యలు ఎదుర్కొన్నాడో, అలాగే వాటన్నిటిని అధికమించి తాను మొదలుపెట్టిన పని ఎలా పూర్తిచేసాడన్నది చదవవలసిందే. అసలు ఇలాంటి హ్యాకర్ లను పట్టుకోవలసిన భద్రతా వ్యవస్థలే పట్టించుకోనప్పుడు నిరాశపడి వదిలేయకుండా (ఒక రకంగా పట్టువదలని విక్రమార్కుడులా) చివరిదాకా ప్రయత్నించి సాధిండమే తన గొప్పతనం.

 ఇప్పుడు Andy Greenberg  వ్రాసిన sandworm నవల చదవడం మొదలు పెట్టాను. చూడాలి ఎన్ని రోజులు / నెలలు పడుతుందో. పుస్తకాలు చదవడానికి సమయం అస్సలు దొరకడంలేదు. 

 Daniel Silva's An Inside Job నవల India లో ఇంకా దొరకడం లేదు. వచ్చినప్పుడు కొని చదవాలి. 

~సూర్యుడు :-) 

వార్త, ఊహ మరియు నకిలీ

  వార్త అంటే తెలుగు వార్తాపత్రిక అని పొరపాటు పడకూడదని. నా ఉద్దేశ్యంలో వార్త నిర్వచనం ఏంటంటే ఏదైనా జరిగిన సంఘటన గురించి వ్రాసినా చదివినా లేదా చూపించినా దాన్ని వార్త అంటారు (అంతేనా?). ఇప్పుడు మన ప్రసార మాధ్యమాల్లో వార్తలు తక్కువ, ఊహలెక్కువ. ఉదాహరణకు ఫలానా వ్యక్తి ప్రస్తుత పార్టీ నుండి ఇంకో పార్టీలోకి దూకేస్తున్నాడా? అని ఒక శీర్షిక పెడతారు (అలాగే ఏదో హల్చల్ చేస్తొందంటారు , ఈ  పదం చదివినప్పుడల్లా ఏవో వంటినిండా పాకిన అనుభూతి:(). ఇక్కడ ఆ దూకడమింకా జరగలేదు. జరగొచ్చు జరగ్గపోవచ్చు.  కానీ జరగొచ్చేమోనన్న ఊహ. ఇలాంటి ఊహలు చర్చల్లో పర్వాలేదేమో కాని వార్తల్లో ఉండకూడని నా అభిప్రాయం. అప్పుడెప్పుడో స్టార్ న్యూస్ ఛానల్ ను వ్యంగ్యంగా స్టార్ వ్యూస్ అనేవారు. ఇప్పుడన్ని వార్తా చానెల్స్ వ్యూస్ ఛానెల్సే. 

ఇప్పడు సోషల్ మీడియా వచ్చి వ్యూస్ ఎగిరిపోయి ఫేక్ వచ్చింది. ఇలా ప్రతిదీ ఫేక్ అయిపోతే ఏ వార్తా నమ్మలేని పరిస్థితి వచ్చి నిజమో ఫేకో వైష్ణవమాయో తెలిసీ తెలియని అయోమయములో అని పాడుకుంటూ కూర్చోవడమే. ఇలా వార్తా ప్రపంచాన్ని నమ్మలేకుండా చేసేస్తే నిజంగా ఏంజరుగుతోందో తెలియకుండా ఫిలాసఫీ లో చెప్పినట్టు అంతా మాయే. అప్పుడు ఎవరికి కావలసింది వారు చేసుకోవచ్చు ;)

ఇంతకుముందు ఒక రాజకీయ పార్టీని మోసే పత్రికలంటే చిరాగ్గా ఉండేది. కాని ఇప్పుడు ప్రతి పత్రిక, TV ఛానల్, వెబ్ ఛానల్, వాట్సాప్ గ్రూపులు ఏదో ఒక పార్టీని మోసేవే. చిరాకు పోయి అలవాటైపోయింది ;). ప్రతి మనిషి ఎలాగైతే తనకి నచ్చిన మతాన్ని అనుసరించి సంతోషంగా ఉంటున్నాడో అలాగే వాళ్ళ వాళ్ళ నచ్చిన పత్రికలు చదువుకుంటూ వార్త చానెల్స్ చూసుకుంటూ ఆనందంగా కాలం గడిపేస్తున్నారు, ప్రపంచమంతా మనకి (అంటే మన పార్టీకి) అనుగుణంగానే జరుగుతోందనుకుంటూ. ఇదే సచ్చిదానందమంటే :)

~సూర్యుడు :-)

Telugu Cinema dethrone Bollywood

Feels good to read it :) It proves our love for films.

Telugu Cinema 

 

~ సూర్యుడు :-)

Nature

 

ఒక పరిశీలన

చీమలు ఎక్కడకు వెళ్తాయి? బెల్లమున్నచోటికి (ఆహారమున్నచోటికి). అబ్బా ఛా, మాకిన్నిరోజులు తెలీలేదే అనుకోకండి, నేను Linux installation గురించి అనుకున్నట్టు. ఇది మనకందరికీ తెలిసిందే, క్రొత్తగా కనిపెట్టిందేమీ లేదు. అలాగే మిగిన జంతువులూ, మనం కూడా. ఎక్కడ ఆహారం దొరికితే అక్కడకు. మనకు ఆహారం పని చేస్తేగాని దొరకదు కాబట్టి, ఎక్కడ పనుంటే అక్కడకు పోతాం. మనవాళ్ళు రైల్వే ఉద్యోగాలకోసం ఖరగపూర్ వెళ్ళినా, సాఫ్ట్వేర్ ఉద్యోగాలకోసం బెంగళూరు, చెన్నై , పూణే ఇంకా ఇతర దేశాలు వెళ్ళినా ఇందుకోసమే. ఎక్కడ ఉపాధి అవకాశాలుంటే అక్కడకు వలసలు సహజం.

బ్రిటిష్ పరిపాలనలో చాలా మంది వ్యవసాయ కూలీలుగా ఇతరదేశాలకు వలసవెళ్ళినట్లు చదువుకుంటుంటాము కదా.  ప్రస్తుతం మన దేశంలో చూసినట్లైతే వివిధ ప్రాంతాలనుండి బెంగళూరుకు వలస వచ్చేస్తున్నారు. అలాగే ఇతర దక్షిణాది రాష్ట్రాలకు వలసలు ఎక్కువైనట్టు పత్రికల్లో వార్తలు వస్తున్నాయి. నిజమయ్యుండొచ్చు కాకపోవచ్చు. 

ఎప్పుడో ఆర్యులు వలస వచ్చారా లేదా అన్నది ప్రక్కన పెడితే, ఇప్పటి వలసలు నిజం, మనం చూస్తున్నాము. దక్షిణాది రాష్ట్రాల వారు ఉత్తరాదికి వలసలు వెళ్ళలేదా అంటే, వెళ్ళుండొచ్చు కానీ ఇంత కొట్టొచినట్లుగా అనిపించలేదు. ఇవి ఇలాగె కొనసాగితే కొన్ని తరాల తర్వాత జనాభా లెక్కలెలా (అదే demography ) ఉంటాయో.

మీకేమనిపిస్తోంది?

~సూర్యుడు :-)

మనతోనే ఉండే కంప్యూటర్ ఆపరేటింగ్ సిస్టం - 3

దీని మీద ఇంకొన్ని ప్రయోగాలు చేసి ప్రస్తుతానికి Fedora 42 ను ఓ 16GB USB డ్రైవ్ లో ఇన్స్టాల్ చేశాను. ఇంతకుముందు కూడా ఇలాగె చేసేవాడిని కాకపోతే లైవ్ ఇమేజ్, అప్డేట్ చేసుకోడానికి లేదు. ఇప్పుడు ఏంచేసానంటే మొదట ఒక USB డ్రైవ్ లో లైవ్ ఇమేజ్ ఇన్స్టాల్ చేసి ఇంకొక USB డ్రైవ్ లో ఫెడోరా 42 ను ఒక హార్డ్ డిస్క్ లో ఇన్స్టాల్ చేసే విధంగా ఇన్స్టాల్ చేశాను. ఈ USB డ్రైవ్ లో ఇన్స్టాల్ చేసిన ఫెడోరా 42 ను అప్డేట్ చేసుకోవచ్చు , పని అయిన తర్వాత తీసి పెట్టేసుకోవచ్చు. 

 ఈ క్రింద లింక్ లో చెప్పిన విధంగా ఫాలో అయిపోండి :)

 

ఇప్పుడు ఉబుంటు 25.04 ని ఈ విధంగా ఇన్స్టాల్ చెయ్యడానికి ట్రై చెయ్యాలి. 

ప్రస్తుతానికి ఈ టపా USB ఫెడోరా 42 నుండి. 

ఇది చాల సులభమైన విధానం. ఇంతకు ముందు కూడా ఇలా చేసుకుని ఉండొచ్చు కానీ ఇలాంటి ఆలోచన ఎందుకు రాలేదో :(

ఈ విధానం తెలిసిన తర్వాత ఇంకా దీని మీద ఇంతకన్నా పరిశోధనలు చెయ్యటానికి ఏమీలేదు.

~సూర్యుడు :-)

విశ్వావసు యుగాది శుభాకాంక్షలు

 విశ్వావసు నామ సంవత్సర యుగాది శుభాకాంక్షలు. 

మీ అందరిరికి భగవంతుడు ఎల్లప్పుడూ ఆయురారోగ్య ఐశ్వర్య భోగ భాగ్య సుఖ సంతోషాలను ప్రసాదించాలని కోరుకుంటూ ...

~సూర్యుడు :-)

Spring is here

 

Isn't this crazy?