అంతర్గత మోసం - An Inside Job

 మొత్తానికి డేనియల్ సిల్వా An Inside Job నవల పూర్తిచేశాను. నవల బాగుంది. ఇది స్పై నవల కాదు, డిటెక్టీవ్ నవల అనొచ్చేమో. గాబ్రియేల్ అలోన్ వియన్నా లో ఒక అమ్మాయి శవాన్ని చూడ్డంతో అసలు కథ మొదలవుతుంది. ఆ అమ్మాయి ఎవరు, ఎక్కడ పనిచేసేది, ఎంచేసేది మొదలైన వివరాలతో మొదలై, వాటికన్ ఆర్ట్ మ్యూజియం నుండి, ఇటాలియన్ మాఫియా బ్యాంకింగ్ ఇండస్ట్రీ, రియల్ ఎస్టేట్ కుమ్మక్కు వరకు వెళ్ళి, వాటికన్ ప్రతిష్టకు భంగం కలగకుండా దొంగిలింపబడిన లియోనార్డో డా విన్సి వేసిన చిత్రపటాన్ని ఎలా వెనక్కు తీసుకు వచ్చి వాటికన్ ఆర్ట్ మ్యూజియం కి అప్పగించి నేరస్తులకు శిక్ష పడేలా చేసాడో అన్నదే ఈ నవల. 

There is an interesting quote from Bible:

"Blessed are those who mourn,

for they will be comforted." (I think Kutni asked Krishna for sufferings, because only during sufferings we think of God and also God will be with those who are suffering (is it my imagination or remembered it correctly :)))

"Blessed are the meek,

for they will inherit the earth."

~సూర్యుడు :-)

ది కలెక్టర్

 కలెక్టర్ అంటే మన జిల్లా కలెక్టర్ కాదు కానీ డేనియల్ సిల్వా వ్రాసిన  ది కలెక్టర్ అనే క్రొత్త నవల. సరే గాబ్రియెల్ అలోన్ నవల కదా అని కొని చదివాను. నవల బాగుంది. రష్యా ఉక్రెయిన్ మధ్య యుద్ధం నేపథ్యంలో జరిగిన కాల్పనిక కథ. నవలానాయకుడు పురాతన చిత్తరువులు పునరుద్ధరించేవాడవడంవల్ల (ప్రస్తుత ఉద్యోగం) నవల ఒక ప్రాచుర్యమైన చిత్తరువు దోపిడీతో మొదలవుతుంది. ఇది ఇంతకుమునుపు నవలకన్నా చాలా బాగుంది. డేనియల్ సిల్వా నవలల్లో ఉండే పాత్రలన్నీ (అన్ని అంటే అన్ని అని కాదు, చాలా వరకు అని) కనిపించాయి ఇందులో. 

ఈ నవలలో ఒక క్రొత్త పాత్ర ఇంగ్రిడ్ అని, మంచి దొంగ, అంటే అన్ని రకాలుగా కూడా మంచి దొంగ. ఏదైనా, ఎవరిదగ్గరనుంచైనా దొంగతనం చెయ్యగలదు కానీ రాబిన్ హుడ్ లాగ దానాలు చేస్తుంటుంది. ఆసక్తికరమైన పాత్ర. 

ఆమధ్య ఇంకో పుస్తకం చదివాను, నిశ్శబ్దమైన తిరుగుబాటు (జోసి జోసెఫ్), భయంగా అనిపించింది, ఇది ఒకరకంగా "కంచే చేను మేస్తే" లాంటి అనుభూతి. ఎక్కువగా వ్రాయడానికి ఏమీలేదు, చదివి అర్ధంచేసుకోవడమే. 

ఆర్ ఏ డబ్ల్యు (యతీష్ యాదవ్) పుస్తకమొకటి కొన్నాను, చదవాలి. అలాగే జేవియర్ మరియాస్ వ్రాసిన థోమస్ నెవిన్సన్ నవలొకటి కొని చదవడం మొదలుపెట్టాను కానీ మరీ తాపీగా (నెమ్మదిగా :)) ఉంది. తీరికచేసుకుని చదవాలి :)

ఇంకా బోళ్ళు పుస్తకాలున్నాయి చదవడానికి.  ఏసమయానికి ఏది నచ్చునో ఎవరూహించెదరు అనుకుంటూ అన్ని కొద్దికొద్దిగా చదివితే ఏదో ఒకటి కదులుతుంది :)

~సూర్యుడు :-)

ది చెలస్ట్ (The Cellist)

చాలా రోజుల తర్వాత మళ్ళీ గాబ్రియల్ అలన్ నవల ది చెలస్ట్  (The Cellist) చదివాను. ఇంతకు ముందు Daniel Silva నవలల్లాగే ఇదికూడా బాగుంది. ఒక రష్యన్ సంపన్నుడు ఇంగ్లాండ్ లో హత్యకు గురికావడంతో మొదలవుతుంది ఈ నవల. ఈ రష్యన్ గాబ్రియల్ అలన్ కు స్నేహితుడు కావడంతో ఆ హత్యకు కారణమైన వాళ్ళపై ఎలా ప్రతీకారం తీర్చుకున్నాడనేదే ఈ నవల.

చివర్లో, అమెరికా ప్రెసిడెంట్ ఎన్నికలు, వాటి ఫలితాలు, ఆ తర్వాత జరిగిన గొడవలు, రచయిత యొక్క రాజకీయ అభిప్రాయాలు ప్రస్తావించబడ్డాయి. ఇంతకుముందునుండి అనుకుంటున్నదే కానీ ఇది చదివిన తర్వాత మళ్ళీ అనిపించిందేమంటే, ప్రజలను ఎక్కువగా పోలరైజ్ (దీనికి తెలుగులో ఏ పదం వాడాలి?) చేసేయ్యకూడదు. ఇది మితిమీరితే ఒకే దేశంలో రెండు దేశాలు ఉన్నట్లుంటుంది. రాజకీయ పక్షాలకు, వాటి నాయకులకు పరిణతి లేకపోతే వచ్చే చిక్కే ఇది. ఇంతకు ముందు మనదేశంలో ఇన్ని రాజకీయ పార్టీలు ఎందుకు ఓ రెండు చాలవా అనిపించింది కానీ బాగా ఆలోచిస్తే ఎక్కువ ఉండడమే మంచిదనిపిస్తోంది. 

ఈ నవల తర్వాత ఎప్పటినుండో ఆగిపోయిన టైఫూన్ నవల పూర్తిచేసేసాను. మొదట్లో కొద్దిగా ఇబ్బందిగా అనిపించినా తర్వాత తర్వాత చాలా బాగుంది. చార్లెస్ కమ్మింగ్ నవలల్లో ఇదే బెస్టేమో. హాంగ్ కాంగ్ ను బ్రిటిష్ రూలింగ్ నుండి చైనా కు అప్పచెప్పే సమయంలో జరిగిన కథ ఇది. నాకు చాలా నచ్చింది. 

ఇంతకుమునుపెప్పుడు Stephen King నవలలు చదవలేదు కానీ ఈమధ్యనే Billy Summers కొన్నాను. చదవాలి, ఎలా ఉంటుందో ... 

~సూర్యుడు :-)

ద అదర్ వుమన్

డానియల్ సిల్వా ద అదర్ వుమన్ చదవడం పూర్తయింది. ఇది ఇంతకుముందొచ్చిన డానియల్ సిల్వా రెండు నవలలుకన్నా బాగుంది. రష్యన్ ఆపరేషన్ నవలల్లో ఇది మూడోదేమో. ఇంటరెస్టింగ్ ప్లాట్. చాలావరకు తెలిసి పాత్రలే :)

ఇంతకుముందే ఎక్కడో అన్నట్టు డానియల్ సిల్వా నవలల్లో నాకు నచ్చే అంశం వ్రాసే విధానం. అయన మొదట్లో విలేఖరి కాబట్టి, విలేఖర్లకు వ్రాసేవిధానమే ముఖ్యం కాబట్టి అయన బాగా వ్రాయడంలో ఆశ్చర్యమేమీ లేకపోవచ్చు. మొన్న చదివిన ద ఆక్సిడెంటల్ ప్రిమినిస్టర్ పుస్తకం కూడా అలానే అనిపించింది. సంజయ బారు కూడా సంపాదకుడిగా పనిచేసిన అనుభవం ఆసక్తికరంగా వ్రాయడానికి పనికొస్తుందేమో.

నవలైనా మరేదైనా పుస్తకమైనా ఆసక్తికరంగా ఉండాలంటే ఉపోద్ఘాతం ముఖ్యమేమో. కొన్ని పుస్తకాలు మొదలు అంత గొప్పగాలేకపోయినా చదవగా చదవగా బానే అనిపిస్తాయి. అంటే ఈ రచయితలకు స్టార్టింగ్ ప్రాబ్లమేమో ...

హెచ్ బి ఆర్ గైడ్ టు బెటర్ బిజినెస్ రైటింగ్ పుస్తకంలో ఏమంటాడంటే ఏవిషయమైనా క్లుప్తంగా (నాట్ ఏ వర్డ్ మోర్ నాట్ ఏ వర్డ్ లెస్ లైక్ నాట్ ఏ పెన్నీ మోర్ నాట్ ఆ పెన్నీ లెస్ టైప్) అర్థమయ్యేటట్లు వ్రాయాలని. నాఅభిప్రాయమేమంటే డానియల్ సిల్వా వ్రాసేవిధానం సరిగ్గాలనే ఉంటుందని.

ఇప్పుడేం మొదలుపెట్టాలో ద స్పైస్ ఆఫ్ వార్సా నా లేక ఎనీ ఆఫ్ దోజ్ జాన్ లె కారి నవలా ..

గూఢచారుల నిలయం

ఓకే , గూఢచారుల నిలయం, House of Spies కి అచ్చ తెలుగు అనువాదం :)

సంగతేమిటంటే, ఈ గూఢచారుల నిలయం నవల చదవడం పూర్తయ్యింది. ఇది The Black Widow నవలకు తరువాయి భాగం. నాకైతే The Black Widow కన్నా ఇదే బాగా నచ్చింది.

Now I am waiting for ద క్వాంటమ్ స్పై

Meanwhile I bought The Spies of Warsaw and  Spies of the Balkans by Alan Furst. Started The Spies of Warsaw, so far so good.

The Envoy is still pending :(

Daniel Silva - Grabiel Allon series

మొత్తానికి మొన్న డానియల్ సిల్వ గాబ్రియల్ ఆలన్ సీరీస్ నవలలన్నీ చదవడం పూర్తయ్యింది. అన్ని నవలలు చాల బాగున్నాయి. ఈ నవలేవీ ఎక్కడా విసుగు పుట్టించవు. ఎక్కడా పదాలను వ్యర్ధంగా వాడకుండా ఎలా వ్రాయాలో బాగా తెలుస్తుంది ఇవి చదివితే. కొన్ని నవలలో వ్యూహ్యాలు/ఎత్తుగడలు (plot)  ఒకేలా ఉండడం అంత బాగా అనిపించకపోయినా మరీ ఇబ్బందిగా అయితే ఉండవు. The Heist చడువుతుంటే అర్ధమైపోయింది, The English Spy ఎవరో కాని ఈ నవలలో IRA ఇతివృత్తాన్ని తీసుకోవడంవల్ల కొద్దిగా భిన్నంగా ఉంది. ఈ నవలలో గాబ్రియల్‌ని నవలా నాయకుడిగా చూపించాలో క్రిష్టాఫర్‌ని నవలా నాయకుడిగా చూపించాలా అనే సందిగ్దంలో రచయిత పడ్డాడేమో అనిపించింది.

1. The Kill Artist
2. The English Assassin
3. The Confessor
4. A Death in Vienna
5. Prince of Fire
6. The Messenger
7. The Secret Servant
8. Moscow Rules
9. The Defector
10. The Rembrandt Affair
11. Portrait of a Spy
12. The Fallen Angel
13. The English Girl
14. The Heist
15. The English Spy

డానియల్ సిల్వావి ఇంకా మూడు నవలు మిగిలాయి, అవి, The Unlikely Spy, The Marching Season and The Mark of the Assassin. The Unlikely Spy మొదలు పెట్టాను కాని మళ్ళీ John Le Carré's, A Murder of Quality చదవాలనిపించి తీసాను, చూడాలి ఏది త్వరగా ముందుకు కదులుతుందో.

ఈ రెండు పదాలు ఒకటేనా?

ఈ పదాలు Asset, Traitor రెండు ఒకటేనా?

BTW, I have completed The Rembrandt Affair and The Fallen Angel and both of them are very nicely written. Meanwhile, I have read, Call for the Dead of John le Carré. It is a different kind of narration, a bit old fashioned :), of course the story background is post WWII.

Now, I am thinking of reading, A Murder of Quality and The English Girl in parallel :)

I watched MI5 (not the British Secret Service) and it is very nice too ;)

గాబ్రియల్ అలన్ రెండో సారి

మాస్కో రూల్స్, ద డిఫెక్టర్ చదవడం పూర్తయ్యాయి, రెండు నవలలు చాలా బాగున్నాయి. మొదట్లో మాస్కో రూల్స్ నచ్చకపోయినా, కొద్దిగ మొందుకెళ్ళిన తర్వాత చాలా బాగుంది. ద డిఫెక్టర్ కూడ చాలా బాగుంది. ఫ్రస్తుతం The Rembrandt Affair చదువుతున్నాను, ఇదికూడా బాగానే ఉంది, ఇప్పటిదాకా.

ఇంతకు ముందు వ్రాసినట్లు, ఈ నవలలు చదువుతుంటే, మధుబాబు, షాడో నవలలు కొద్దికొద్దిగ గుర్తుకొస్తుంటాయి, సరే పాత్రల బిహేవియర్‌లలో చాలా తేడాలున్నాయనుకోండి. గాబ్రియల్ అలన్, అరి షమ్రన్, ఎలి లావన్, ఛియారా, యుజి నావట్ (ఈ పేర్లు ఎలా పలకాలో సరిగ్గా తెలీదు), దినా, రిమోనా, యాకోవ్, మిఖాయిల్, అలన్ కార్టర్, గ్రహమ్ సేయ్మర్ పాత్రలన్నీ బాగా పరిచయమైన వాళ్ళలా అనిపిస్తారు (మధుబాబు నవలల్లో, గంగారాం, కులకర్ణి, బిందు, ముఖేష్, శ్రీకర్, వాసు, చంద్ర, సులోచన, బెట్టీ ల్లా).


మీకెవరికైనా పత్తేదారు సాహిత్యమంటే మక్కువుంటే ఈ నవలలు చదివి, మీ అభిప్రాయాల్ని పంచుకోండి :)

గాబ్రియల్ అలన్

ద కిల్ ఆర్టిస్ట్, ద ఇంగ్లిష్ అసాసిన్, పోట్రైట్ ఆఫ్ ఎ స్పై, ద కన్ఫెస్సర్, ఎ దెత్ ఇన్ వియెన్నా, ప్రిన్స్ ఆఫ్ ఫైర్ నవలలు చదివిన తర్వాత డానియల్ సిల్వ అంటే బాగ ఇష్టం పెరిగిపోయింది, ఆ తర్వాత ఆ నవలా నాయకుడు, గాబ్రియల్ అలన్ అన్నా కూడా. ముఖ్యంగా చెప్పుకోవలసిందేమంటే, డానియల్ సిల్వా వ్రాసే విధానం, చాలా క్లుప్తంగ, ఏ వాక్యం కూడా అనవసరం అనిపించదు. కొన్ని పేరాలు అంతకు ముందు నవలల్లోనుండి తీసుకోబడ్డా అవి సందర్బోచితంగా ఉండి అనవసరం అనిపించదు. వ్రాసే పద్దతి మధుబాబు షాడో నవలల్లా అనిపించినా, కొంచం వేరేగా ఉండి బాగా అనిపిస్తుంది.


ఇప్పుడు ద మెస్సెంజర్ చదవటం మొదలు పెట్టాను, ఇప్పటిదాకా బాగుంది.

May be I should watch the Munich movie again :)